AYİB 3 Azərbaycan bankına kredit verməyi planlaşdırır
07.02.2023 22:56
Avropa Yenidənqurma və İnkişaf Bankı (AYİB) Azərbaycanın maliyyə sektorunda əməliyyatlarını genişləndirməyi planlaşdırır və 2023-cü ildə üç banka kredit vermək niyyətindədir. Bu barədə AYİB Bakı nümayəndəliyinin rəhbəri Kamola Mahmudova bildirib.
"Altı illik fasilədən sonra AYİB Azərbaycanın maliyyə sektorunun maliyyələşdirilmək qərarına gəlib. İndi biz üç bank kredit verməyi düşünürük. Onlar müxtəlif alətlərimiz çərçivəsində vəsait alacaqlar”, - Mahmudova bildirib.
Onun sözlərinə görə, bu banklar artıq müəyyən edilib. Amma adları açıqlanmır.
Mahmudova əlavə edib ki, AYİB-in alətlərinə kiçik biznesə, biznesdə qadınlara dəstək və ticarətin maliyyələşdirilməsi daxildir.
O həmçinin bildirib ki, AYİB 2023-2025-ci illərdə Azərbaycanda layihələrə 750 milyon dollar ayırmağı planlaşdırır.
"Üç il ərzində AYİB-in Azərbaycana investisiyalarının gözlənilən paketi 750 milyon dollar təşkil edir. Bu məbləğin təxminən 300 milyon dollarını bu il imzalamağı planlaşdırırıq", - Mahmudova bildirib.
Onun sözlərinə görə, layihələr enerji, nəqliyyat, maliyyə, kiçik və orta biznesin inkişafı sahələrini əhatə edəcək.
Mahmudova əlavə edib ki, 2022-ci ildə AYİB 9 layihə üçün Azərbaycana 86 milyon avro ayrılmasını təsdiqləyib, bunun 71%-i yaşıl enerjinin payına düşüb.
Azərbaycan 1992-ci ildən AYİB-in üzvüdür. Əməkdaşlıq dövründə bank 185 layihənin həyata keçirilməsi üçün Azərbaycana 3,8 milyard avroya yaxın kreditin ayrılmasını təsdiqləyib. Hazırda bankın Azərbaycanda 33 layihədən ibarət portfeli 800 milyon avronu ötür.
N.Təbrizli
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
