Qaz qovşağı ilə bağlı keçiriləcək sammitin günü bəlli oldu

 

Bu arada Rusiya prezidentinin sözçüsü Dmitri Peskov da  Türkiyədə qaz qovşağının yaradılması məsələsinin müzakirəsinin zəlzələ səbəbindən gecikə biləcəyini deyib. 

O bildirib ki, Türkiyədə baş verən güclü zəlzələ bu ölkədə qaz qovşağının yaradılmasını gecikdirə bilər, lakin layihə həyata keçiriləcək.

"Əlbəttə, indi qaz qovşağı layihəsi Türkiyə Respublikası üçün prioritet ola bilməz, biz buna anlayışla yanaşırıq. Müvafiq olaraq, bir növ gecikmə ola bilər", - Dmitri Peskov cümə axşamı jurnalistlərə Türkiyədə baş verən zəlzələnin layihənin həyata keçirilməsini necə təsir edə biləcəyi sualını cavablandırarkən deyib. 

"Biz şübhə etmirik ki, Türkiyə bu fəlakətin öhdəsindən gələcək, zərərçəkənlərə bütün lazımi yardımı göstərəcək və dağılmış şəhərləri bərpa edəcək”, - Peskov əlavə edib.

"Buna görə də, bəli, qaz qovşağının yaradılması bir az gecikə bilər, amma əslində bu, planların həyata keçirilməsinə təsir etməyəcək", - Rusiya Federasiyası Prezidentinin mətbuat katibi bildirib.

 

Türkiyə qaz qovşağının yaradılması təklifi ilə keçən il çıxış edib. Bu qovşaq bir neçə ölkədən qazın alınmasını və Avropaya nəqlini təmin etməyi nəzərdə tutur.