İstanbulda keçiriləcək Qaz Sammiti təxirə salınıb
10.02.2023 14:17
Fevralın 14-15-də Türkiyənin İstanbul şəhərində keçirilən Qaz Samitinin vaxtı dəyişdirilərək martın 22-nə keçirilib. Bu barədə Türkiyə mətbuatı Energetika Nazirliyindəki mənbəyə istinadan məlumat yayıb.
Nazirlik qeyd edib ki, hazırda Türkiyədə baş vermiş zəlzələlərin nəticələrinin aradan qaldırılmasına bütün idarələr cəlb olunub. İdarələrin rəhbərliyi də fəlakət bölgəsində yerləşir.
Türkiyənin energetika və təbii sərvətlər naziri Fatih Dönməz yanvarın 30-da bildirib ki, İstanbul Qaz Sammiti fevralın 14-15-nə planlaşdırılıb və orada qaz hasil edən ölkələrin nümayəndələrinin və Avropadan istehlakçıların dəvət olunması planlaşdırılır.
Ötən ilin oktyabrında Rusiya prezidenti Vladimir Putin Rusiya Enerji Həftəsi forumunda Türkiyə ərazisində Şimal axını ilə itirilmiş tranzit həcminin yönləndirilə biləcəyi qovşaq yaratmaq ideyası ilə çıxış edib. O izah edib ki, söhbət başqa boru kəməri sisteminin qurulması və Türkiyədə qazın üçüncü ölkələrə, ilk növbədə Avropa ölkələrinə çatdırılması üçün qovşaq yaradılmasının mümkünlüyündən gedir. Ankara bu təşəbbüsə müsbət reaksiya verib və İstanbulda qovşaq və qaz ticarət mərkəzi yaratmaq üçün infrastrukturun əhəmiyyətli bir hissəsinə malik olduğunu bildirib.
Gülnar Nazimqızı
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
