Azərbaycanın aqrar sektorunda 2031-ci ilədək 4 %-lik artım tempini saxlamaq üçün yollar açıqlanıb

2023-2030-cu illər ərzində meyvəçilik, taxılçılıq, texniki bitkilər, heyvandarlıq sahələrinin intensiv inkişafı hesabına aqrar sahədə orta illik artım tempi 4 % olaçağı proqnozlaşdırılır.

Kənd Təsərrüfatı Nazirliyi yanında Aqrar Tədqiqatlar Mərkəzinin direktoru Firdovsi Fikrətzadənin verdiyi açıqlamasına görə, bu, Mərkəz tərəfindən hazırlanan 2023-2030-cu illər üzrə kənd təsərrüfatının artım tempinin ilkin prqonozlarında nəzərdə tutulub.

Məhz dövlət dəstəyi tədbirləri hesabına artım templəri, indiyənə qədər olduğu kimi 4 % səviyyəsində qorunub saxlanılır: "İqtisadi Əməkdaşlıq və İnkişaf Təşkilatı (OECD) və digər beynəlxalq təşkilatlar dünyada aqrar sahənin artımını müxtəlif ölkələr qrupu üzrə 1-2 % civarında proqnozlaşdırırlar”.

Aqrar Tədqiqatlar Mərkəzinin direktoru deyib ki, Azərbaycanda aqrar sahə üzrə artımın bir mənbəyi intensiv meyvəçiliklə bağlıdır: "İntensiv meyvəçilikdə Azərbaycanda bir neçə istiqamət var. Çəyirdəkli meyvələr qrupuna daxil olan gilas, gilanar, gavalı, ərik, şaftalı kənd təsərrüfatında kommersiya yönümlü yeni bir sahədir. Bu, son illərin trendidir. 2022-ci ildə 60 min tondan çox çəyirdəkli meyvələr ixrac olunub, bu isə, tarixi bir rekorddur.