BP Azərbaycan ötən ay 1,6 milyon ton neft hasil edib

     

Azərbaycanda işə başlayandan BP 609,1 milyon tondan çox neft və kondensat hasil edib ki, bunun da 568,5 milyon tonu "Azəri-Çıraq-Günəşli” yatağının payına düşüb.  "Şahdəniz” yatağında kondensat hasilatı isə 40,6 milyon ton təşkil edib.

     

Xarici şirkətlərin konsorsiumu tərəfindən hasilata başlanandan 2023-cü il fevralın 1-dək hasil edilən neft və kondensatın ixracı 607 milyon ton təşkil edib.

     

2023-cü ilin yanvarında BP-nin "Şahdəniz” yatağında qaz hasilatı 2,3 milyard kubmetr, "Azəri-Çıraq-Günəşli”dən 1,1 milyard kubmetr səmt qazı təşkil edib.

     

Ümumilikdə, 2023-cü ilin yanvarında Azərbaycanda neft hasilatı 2,7 milyon ton, qaz hasilatı isə 4,2 milyard kubmetr təşkil edib. Azərbaycan Dövlət Neft şirkəti tərəfindən ötən ay 0,7 milyon ton neft, 0,8 milyard kubmetr qaz hasil edilib.