Azərbaycan-Rusiya ticarət dövriyyəsi 62% artıb
15.02.2023 12:50
2023-cü ilin yanvarında Azərbaycan və Rusiya arasında ticarət dövriyyəsi 336 milyon 282,38 min dollar təşkil edib ki, bu da bir il əvvəlki göstəricidən 62,4% çoxdur. Bu barədə Azərbaycanın Dövlət Gömrük Komitəsi xəbər verib.
Dövlət Gömrük Komitəsinin məlumatına görə, 2023-cü ilin yanvarnda Azərbaycanın ümumi xarici ticarət dövriyyəsinin 10,22%-ni Rusiya ilə ticarət əməliyyatları təşkil edib.
Hesabat dövründə Azərbaycan məhsullarının Rusiya Federasiyasına ixracının həcmi 68 milyon 488,39 min dollar ( - 5,5%) təşkil edib. Ümumilikdə Rusiyaya ixrac Azərbaycan ixracının 3,65%-ni təşkil edib.
Yanvarda Azərbaycana Rusiya məhsullarının idxalı 267 milyon 793,99 min dollar (artım 2 dəfə) olub . Azərbaycana mal idxalının ümumi həcmində Rusiyadan payı 19% təşkil edib.
Belə ki, Dövlət Gömrük Komitəsinin məlumatına görə, 2023-cü ilin yanvarında Azərbaycanın Rusiya Federasiyası ilə ixrac-idxal münasibətlərində mənfi saldosu 199 milyon 305,6 min dollar olub.
2022-ci ildə Azərbaycan-Rusiya ticarət dövriyyəsi 3 milyard 710 milyon 239,41 min dollar təşkil edib ki, bu da 2021-ci illə müqayisədə 23,9% çoxdur.
N.Təbrizli
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
