Banklar xarici valyutanın nağd alqı-satqısı əməliyyatlarını artırıb

"Hesabat dövründə bankların nağd xarici valyutanın alqı-satqısı üzrə əməliyyatlarının həcmi 5,1 milyard dollar təşkil edib ki, bunun da 85,7 faizi ABŞ dollarının payına düşüb", - Mərkəzi Bankdan bildirilib.

Eyni zamanda, 2022-ci ilin birinci rübündə belə əməliyyatların həcmi 1,2 milyard dollar, ikincidə 1,4 milyard dollar, üçüncüdə 1,3 milyard dollar, dördüncü rübdə 1,2 milyard dollar təşkil edib.

Mərkəzi Bank qeyd edib ki, apreldən 2022-ci ilin sonunadək valyuta alışının satışdan çox olması səbəbindən valyuta satışı 2021-ci illə müqayisədə 5 dəfə azalıb.

Mərkəzi Bank vurğulayıb ki, 2022-ci il üçün Azərbaycanda nağdsız valyuta bazarının həcmi 31,7 milyard dollar təşkil edib (2021-ci illə müqayisədə 13,9% artım).

 

"Valyuta bazarında aparılan əməliyyatların 83,4 faizi dolların, 16,6 faizi isə digər valyutaların payına düşüb", - AMB bildirilib.

Mərkəzi Bankdan verilən məlumata görə, nağdsız valyuta əməliyyatlarının 28,6 faizi banklararası valyuta bazarında, 71,4 faizi isə bankdaxili valyuta bazarında aparılıb.

2022-ci il ərzində banklararası valyuta bazarında əməliyyatların 99,1%-i ABŞ dolları ilə aparılan əməliyyatların payına düşüb. 

 

"Hesabat dövründə əməliyyatların həcmi 2021-ci illə müqayisədə 9,6% artaraq 9 milyard dollar ekvivalentində olub. Banklararası valyuta bazarında valyuta əməliyyatlarının dövriyyəsi əsasən Bloomberg platformasında aparılan əməliyyatlar hesabına formalaşıb”, - bank qeyd edib.

Bankdaxili valyuta bazarında aparılan valyuta əməliyyatlarının həcmi 22,6 milyard ABŞ dolları ( +15,8%) ekvivalentində olub ki, bunun da 77,1% ABŞ dolları ilə aparılıb. Bankdaxili valyuta bazarında aparılan valyuta əməliyyatlarının 93,2% hüquqi şəxslərlə aparılan əməliyyatların payına düşüb.