ABB Balakən və Oğuz filiallarını da yenilədi

ABB Balakən və Oğuz filiallarını da yeni konseptdə müştərilərin istifadəsinə verib. Bankın Balakən filialı Balakən şəhəri, Heydər Əliyev prospekti - 254 B ünvanında, Oğuz filialı isə Oğuz şəhəri Heydər Əliyev küçəsi - 98 ünvanında müştərilərə xidmət göstərir. 

Hər iki filial ən müasir xidmət standartlarına uyğun qurulub. ABB-nin tətbiq etdiyi universal xidmət təcrübəsinə uyğun olaraq burada lazımi şərait təmin edilib. Fərdi və korporativ müştərilər Balakən və Oğuz filiallarında müxtəlif növ kredit, kassa-hesablaşma əməliyyatları, əmanətlər, pul köçürmələri, ödəniş kartlarının sifarişi, nağd valyuta ilə əməliyyatlar və s. bu kimi müxtəlif xidmətlərdən faydalana bilərlər.