Taxıl müqaviləsi 120 gün müddətinə uzadıla bilər

Ukraynadan ərzaq ixracına dair müqavilələr 2022-ci il iyulun 22-də İstanbulda 120 gün müddətinə bağlanıb və noyabrda həmin müddətə uzadılıb. Sazişlərdən biri Kiyevin nəzarətində olan Odessa, Çernomorsk və Yujnı limanlarından taxılın ixracı prosedurunu tənzimləyir.

 

Bundan əlavə, Rusiya Federasiyası ilə BMT arasında Rusiya gübrələrinin və kənd təsərrüfatı məhsullarının dünya bazarlarına ixracına qoyulan məhdudiyyətlərin aradan qaldırılması üzrə dünya təşkilatının öhdəliklərini nəzərdə tutan memorandum imzalanıb. Rusiya tərəfi sazişin ikinci hissəsinin yerinə yetirilmədiyini göstərir.

Bazar ertəsi Cenevrədə BMT-ni BMT-nin Ticarət və İnkişaf Konfransının rəhbəri Rebekka Qrinspan, baş katibin müavini Martin Qriffits və Rusiya xarici işlər nazirinin müavini Sergey Verşinin başçılıq etdiyi nümayəndə heyəti ilə təmsil edən məsləhətləşmələr keçirilib. Görüşdən sonra jurnalistlərlə söhbətində o bildirib ki, Moskva 18 martdan sonra sazişin uzadılmasının əleyhinə deyil, 2022-ci ilin noyabrında olduğu kimi 120 gün yox, cəmi 60 gün müddətinə uzadılmasının əleyhinədir. 

Türkiyənin müdafiə naziri Hulusi Akar martın 15-də taxıl müqaviləsinin 120 gün uzadılması üçün Rusiya və Ukrayna tərəfləri ilə danışıqlar apardığını bildirib.

 

Gülnar Nazimqızı