“Azərkosmos” gəlirləri azalıb
31.03.2023 14:14
"Azərkosmos” ASC-nin 2023-cü il yanvar-fevralda peyklərin istismarından əldə etdiyi gəlir $3,6 milyon təşkil edib. Bu da 2022-ci ilin ilk iki ayından 14,3% azdır. Bu barədə İqtisadi İslahatların Təhlili və Kommunikasiya Mərkəzi məlumat verib.
Bu ilin yanvar-fevralında "Azərkosmos” 39 ölkəyə peyk xidməti göstərib. Bunların arasında Böyük Britaniya ($813,3 min), Lüksemburq ($698,3 min), Fransa ($534,1 min), BƏƏ ($294,8 min) və Almaniya ($169,4 min) üstünlük təşkil edir.
"Azərkosmos” ASC-nin xidmət ixracından əldə etdiyi gəlir onun ümumi gəlirlərinin 80%-ni təşkil edib.
"Azərkosmos” ASC 2022-ci ildə peyklərin kommersiya istismarından $26,6 milyon gəlir əldə. Bu 2021-ci ilin göstəricisindən 41,3% azdır.
"Azerspace-1” peyki 2013-cü il fevralın 9-da Kuru kosmodromundan orbitə buraxılıb.
2014-cü ilin dekabrında "Azərkosmos” və Fransanın "Airbus Defence and Space” şirkətləri "Azersky” peykinin "Azərkosmos”un mülkiyyətinə verilməsi haqqında müqavilə imzalayıb və peyk 2014-cü ilin iyunundaa orbitə buraxılıb. Azersky 12 il orbitdə qalacaq.
"Azerspace-2” peyki 2018-ci ilin sentyabrında Kuru kosmodromundan orbitə buraxılıb.
"Azərkosmos” ASC 2010-cu ildə yaradılıb və Azərbaycana məxsus peyklərin idarə edilməsi ilə məşğuldur.
N.Təbrizli
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
