Azərbaycanda neft hasilatı azalıb
11.04.2023 13:53
2023-cü ilin yanvar-martında Azərbaycanda neft hasilatı ötən ilin eyni dövründəki 8,3 milyon tondan 7,7 milyon tona qədər azalıb. Bu barədə çərşənbə axşamı Azərbaycanın energetika naziri Pərviz Şahbazov "Twitter" hesabında bildirib.
Yanvar-martda qaz ixracı əvvəlki ilin müvafiq dövrü ilə müqayisədə 11,2 faiz artaraq 6,5 milyard kubmetr təşkil edib. Türkiyəyə 2,7 milyard kubmetr, Gürcüstana 0,9 milyard kubmetr, Avropaya 2,9 milyard kubmetr qaz ixrac edilib.
O cümlədən TANAP kəməri ilə Türkiyəyə qaz ixracı 1,4 milyard kubmetr təşkil edib.
Nazir həmçinin bildirib ki, 2023-cü ilin yanvar-mart aylarında qaz hasilatı ötən ilin yanvar-martı ilə müqayisədə 11,8 milyard kubmetrdən 12,2 milyard kubmetrə yüksəlib.
2022-ci ildə Azərbaycanda neft hasilatı 32,6 milyon ton, ixrac isə 26,3 milyon ton təşkil edib.
Böyük Britaniyanın BP şirkətinin operatorluq etdiyi şirkətlər konsorsiumu tərəfindən idarə olunan "Azəri-Çıraq-Günəşli” yataqları Azərbaycanın neft hasilatının 70%-ni təşkil edir.
N.Təbrizli
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
