Azərbaycanda sığorta agentlərinin reyestri yaradıla bilər
28.05.2020 19:01
Azərbaycanda sığorta agentlərinin reyestri yaradıla bilər. Trend-in məlumatına görə, bunu jurnalistlərə Azərbaycan Sığortaçılar Assosiasiyasının (ASA) sədri Orxan Bayramov deyib.Onun sözlərinə görə, bu məsələ ASA çərçivəsində müzakirə olunur.
O.Bayramov qeyd edib ki, hazırda Azərbaycanda təqribən 800 sığorta agent çalışır: "Hazırda belə bir siyahının hazırlanması imkanı, hətta ola bilsin, "yaxşı" və "pis" agentlər kateqoriyasının tərtib edilməsi müzakirə olunur. Müştərilərin agentlərin təklif etdiyi xidmətlərin keyfiyyəti haqqında aktual informasiya alması və səhlənkar sığortaçılara müraciətlərdən yayınması üçün gələcəkdə reyestrin internetdə açıq çıxış olmaqla dərc edilməsi müzakirə edilir".
O, qeyd edib ki, dekabrda Bakıda ənənəvi Sığorta Agentlərinin Milli Forumu keçiriləcək: "Bu il qərara alındı ki, tədbirin formatı genişləndirilsin, çünki sığorta məhsullarına da tələbat fəal şəkildə artır. Buna bəzi beynəlxalq, o cümlədən Türkiyədən olan ekspertlərin cəlb edilməsi planlaşdırılır".
ANN.Az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
