Zərdabın Yenikənd sakinləri hələ də qaz həsrətindədir
18.04.2023 22:05
Zərdabın Yenikənd qəsəbəsində
sakinlər qazın evlərinə çəkilməməsindən narazılıq edir. Bu barədə həmin qəsəbədə
yaşayan Elçin Nəsrullayev Anews.az-a bildirib.
"Biz bir neçə ildir bu əraziyə köçmüşük. Yaxınlıqda yerləşən ərazilərə qaz çəkilib amma bunun bizə heç bir aidiyyatı yoxdur. Dəfələrlə aidiyyatı orqanlara müraciət etmişik. Bizə bildirilib ki, sizin adınız siyahıda yoxdur. Odur ki, qazlaşma işi həyata keçirilməyib. Hal-hazırda bu ərazidə 4-5 ailə yaşayır və hələ də bu ailələr qaz olmadığına görə odun yandırırlar”", - Nəsrulayev deyib.
Məsələ ilə bağlı "Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev bildirib ki, qazlaşma prosesi SOCAR "Azəriqaz" İstehsalat Birliyinin öz daxili imkanları hesabına həyata keçirilir və bu işlər mərhələli şəkildə icra olunur.
"Sözügedən yaşayış massivinin də
qazlaşma prosesi bizim gündəmimizdədir. Əgər həmin müraciət edən sakinlər bu işlərin
mərhələli şəkildə yox, daha tez həyata keçirilməyini istəyirlərsə, özləri
yığılaraq lisenziyası olan podraçı şirkətlərə müraciət edib, öz maddi vəsaitləri
hesabına bu işi icra edə bilərlər. Azəriqaz İstehsalat Birliyi də bu işdə
texniki şərtlər olmaqla, kipliyə yoxlanma, istismara qəbul prosesi və sonunda
sayğacın ödənişsiz olaraq tətbiq olunub qazın verilişin təmin etmək kimi bir
öhdəliyi var”, - Vəliyev söyləyib.
"Azərbaycanda qazlaşma prosesi hər il dövlət proqramına uyğun davam etdirilir. Artıq ölkə üzrə abonent sayı 3 milyona çatıb. Ölkədə qazlaşma hazırda 96,2% təşkil edir”.
Elcan Nurullazadə
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
