Aİ ölkələri birinci rübdə qaz istehlakını 14% azaldıb
18.04.2023 20:24
Avropa İttifaqı (Aİ) ölkələri tərəfindən 2023-cü ilin birinci rübündə qaz istehlakı illik ifadədə 14% azalaraq 113 milyard kubmetr təşkil edib. Bu barədə Qaz İxrac edən Ölkələr Forumunun (GECF) hesabatında qeyd olunub.
"2023-cü ilin birinci rübündə Aİ-də ümumi qaz istehlakı ötən ilin eyni dövrü ilə müqayisədə 14% azalaraq 113 milyard kubmetr təşkil edib", - hesabatda deyilir.
"2023-cü ilin martında Avropa İttifaqının ümumi qaz istehlakı illik müqayisədə 13% azalaraq 34,1 milyard kubmetr təşkil edib. Martda temperatur 1991-2020-ci illərin orta göstəricisindən 0,8 dərəcə yüksək olub. 2024-cü ilin martına qədər qaza tələbatın daha bir il müddətinə 15% könüllü azalması Avropada ay ərzində qaz istehlakına təsir göstərib.Bundan başqa, küləkli hava elektrik enerjisi istehsalı sektorunda qaza tələbatı azaldıb və nəticədə qaz istehlakı azalıb”, - sənəddə deyilir.
Martda Aİ-yə boru kəməri qazının idxalı 13,7 milyard kubmetr təşkil edib ki, bu da fevral ilə müqayisədə 14% yüksək, bir il əvvəlkindən isə 39% azdır.
Ümumilikdə, 2023-cü ilin birinci rübündə Aİ-yə boru kəməri tədarükü 37% azalaraq 38,3 milyard kubmetr təşkil edib. GECF-in məlumatına görə, bu həcmin yalnız 6 milyard kubmetri Rusiyadan gəlib. (78% azalma), Norveçə - 22 mlrd. (-6%), 7 mlrd. Əlcəzairdən, qalan həcmlər isə Azərbaycan və Liviyadan tədarük edilib. 2023-cü ildə boru kəməri tədarükünün ümumi həcmində Norveç qazının payı 58%, Rusiya qazının payı 15% təşkil edir.
Gülnar
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
