Dövlət Neft Fondu ABŞ dolları ilə investisiya portfelinin payını artırıb

 

2023-cü ilin martın sonuna Dövlət Neft Fondunun investisiya portfeli 53 milyard 437,21 milyon dollar təşkil edib.

Eyni zamanda, investisiya portfelinin strukturunda 69,9%-i ABŞ dollarında (2022-ci ilin sonunda - 68,6%), 19,4%-i avroda (2022-ci ilin sonunda - 20,4%), 4,8%-i - funt sterlinq (5,2%), 0,6% - Avstraliya dolları (0,6%), 0,3% - türk lirəsi (0,4%), 0,2% - rus rublu (0,3%) , 1% - Çin yuanı (1,1%), 1,4% - Yapon yeni (1,3%), 2,4% - digər valyutalarnda (2,1%) yerləşdirilib.

Məlumata görə, fondun investisiya portfelinin 61%-i istiqrazlarda və pul bazarı alətlərində (2022-ci ilin sonuna - 62,1%), 21,1%-i səhmlərdə (2022-ci ilin sonunda - 19,6%), 5,7%-i - daşınmaz əmlakdadır (2022-ci ilin sonunda - 6,2%). Qızılın investisiya portfelində payı 12,1% (2022-ci ilin sonunda - 12,1%) təşkil edir ki, bu da 101,8 tona (2022-ci ilin sonunda - 101,8 ton) ekvivalentdir.

Fonddan verilən məlumata görə, ARDNF-nin vəsaitlərinin 96,2%-i yüksək reytinqli A, AA və AAA aktivlərində yerləşdirilib.

Fonddan verilən məlumata görə, ARDNF-nin investisiya portfelinin 35,8%-i Şimali Amerikada, 28,7%-i Avropada, 15,1%-i Asiya-Sakit Okean regionu ölkələrində, 0,1%-i Cənubi Amerikada, 0,3%-i isə ölkədə yerləşdirilib. 

Azərbaycan Neft Fonduna neft və qaz müqavilələrinin həyata keçirilməsindən,  neft və qazın ölkə ərazisindən nəqli üçün tranzit tariflərindən, dövlət əmlakının icarəsindən və s.əldə edilən vəsaitlər daxil olur.