"Azərişığ"ın mənfəəti 4 dəfə artıb- Hesabat
05.05.2023 13:16
"Azərişıq” ASC 2022-ci ili 56,257 milyon manat xalis mənfəətlə başa vurub, bu da ötən ilin eyni dövrü ilə müqayisədə 4,45 dəfə çoxdur. Bu barədə "Azərişıq” ASC məlumat yayıb.
2022-ci ildə elektrik enerjisinin satışından 1 milyard 540,473 milyon manat, ötən ilin eyni dövründə əvvəlki ilə nisbətən 16,3% çox gəlir əldə edilib.
2023-cü ilin yanvarın 1-nə cəmiyyətin aktivləri 2 milyard 915,645 milyon manat olub ki, bu da illik müqayisədə 9,85% çoxdur.
2022-ci il hesabatına görə, Azərişıq ASC-nin cəmi öhdəlikləri 2 milyon manat azalaraq 698 milyon manatdan 696 milyon manata enib. Bunun 369 milyon manatı kredit və borclardır.
İl ərizində səhmdar cəmiyyətinin öhdəlikləri 0,4% azalaraq 696,128 milyon manata düşüb, balans kapitalı isə 13,5% artaraq 2 milyard 219,517 milyon manata çatıb.
«Azərişıq» ASC "Bakıelektrikşəbəkə” SC-nin bazasında yaradılıb. "Bakıelektrikşəbəkə” SC 2000-ci ildə yaradılıb, 2001-ci ildə şirkətin idarəetməsi "Barmek Holding A.S.” şirkətinə verililib. Daha sonra 2006-cı ildə Azərbaycan Respublikasının hökuməti "Barmek Holding A.S.” şirkəti ilə müqaviləni dayandırıb. 2015-ci il fevralın 10-da Azərbaycan Respublikası Prezidentinin "Azərişıq ASC” haqqında Sərəncamı ilə "Bakıelektrikşəbəkə” ASC "Azərişıq” ASC adlandırılıb.
2021-ci ilin noyabrından etibarən Elektrik enerjisinin alışı və satışı üzrə tariflər Tarif Şurası tərəfindən tənzimlənir.
Onun nizamnamə kapitalı 1 milyard 678,705 milyon manatdır.
Aytac Zeynalova
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
