Azərbaycan gübrə ixracını artırıb
19.05.2023 16:28
2023-cü ilin yanvar-martında Azərbaycan 93,617 ton mineral gübrə ixrac edib ki, bu da 2022-ci ilin birinci rübünün göstəricisindən 17,2% çoxdur. Bu barədə Dövlət Statistika Komitəsi məlumat yayıb.
İxrac olunmuş mineral gübrələrin ümumi dəyəri 27 milyon 392,7 min dollar (azalma 48,5%) olub.
Bununla yanaşı, yanvar-martda Azərbaycana 14 milyon 260,1 min dollar (artım 34,4%) məbləğində 21,882 min ton (artım 40,9%) mineral gübrə idxal edilib.
Azərbaycanda mineral gübrələr SOCAR Karbamid Zavodunda istehsal olunur.
SOCAR Karbamid Zavodu 2019-cu il yanvarın 16-da istifadəyə verilib, iyunda müəssisə karbamid ixracına başlayıb. Müəssisənin üç istehsal sahəsi var. Bura ammonyak, karbamid və karbamid qranullarının istehsalı daxildir.
Zavodun gücü sutkada 1,2 min ton ammonyak və 2 min ton karbamid istehsal etməyə imkan verir.
Zavodun karbamid ixracından illik gəlirinin 160 milyon dollar olacağı proqnozlaşdırılır.
Zavodun tikintisinin ümumi dəyəri 780 milyon avro təşkil edib. Onun 500 milyon avrosu kredit hesabına ödənilib.
N.Təbrizli
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
