Cari ilin 5 ayında Qarabağa nə qədər pul xərclənib? - Nazirdən açıqlama
06.06.2023 11:30
2023-cü il dövlət büdcəsindən Qarabağa ayrılan 3 milyard manatın 60%-ə yaxın hissəsi cari ilin 5 ayında istifadə olunub. Bunu Maliyyə naziri Samir Şərifov iyunun 6-da Milli Məclisin növbədənkənar iclasında təqdimatı zamanı deyib.
O bildirib ki, 2021-2022-ci illərdə Qarabağda yenidənqurma və bərpa işlərinə 6,4 milyard manat pul yönəldilib.
Azərbaycan Respublikasının işğaldan azad edilmiş ərazilərinə Böyük Qayıdışa dair 1-ci Dövlət Proqramı (2022-2026-cı illər) təsdiq edilib. Prezident İlham Əliyev noyabrın 16-da bununla bağlı sərəncam imzalayıb.
Sərəncamda qeyd olunur ki, Azərbaycan Respublikası 2020-ci ilin 44 günlük Vətən müharibəsində öz torpaqlarını azad etməklə tarixi inkişafının yeni mərhələsinə qədəm qoyub. Vətən müharibəsindən ötən müddət ərzində işğaldan azad olunmuş ərazilərin minalardan və partlamamış hərbi sursatdan təmizlənməsi, müasir yaşayış, istehsal və xidmət infrastrukturunun qurulması, iqtisadi fəaliyyətin, o cümlədən nəqliyyat-kommunikasiya xətlərinin bərpası, xüsusilə Zəngəzur dəhlizinin açılması istiqamətində mühüm işlər görülüb.
Gülnar Nazimqızı
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
