Azərbaycanda aktiv kommersiya təşkilatlarının sayı 14% artıb

"Dövlət qeydiyyatına alınmış kommersiya qurumlarının sayı 167,6 min ədəd olub, onlardan 105,4 min nəfərinin fəaliyyəti aktiv olub. 2022-ci ilin müvafiq dövrü ilə müqayisədə kommersiya təşkilatlarının sayı 10,4%, aktiv olan 14% artıb", - məlumatda bildirilir. 

İyunun 1-nə kommersiya hüquqi şəxslərinin 90,3 faizi məhdud məsuliyyətli cəmiyyətlər (MMC), 1,3 faizi səhmdar cəmiyyətləri (SC), 1,1 faizi kooperativlərdir.

Bununla yanaşı, 32,49 min təşkilat aktiv ƏDV ödəyicisidir ki, bu da ötən ilin müvafiq dövrü ilə müqayisədə 15,3% çoxdur.

Yanvar-mayda 6945 min kommersiya təşkilatı dövlət qeydiyyatından keçib. Bunlardan 88,3 faizi yerli investisiyalı şirkətlər, 11,7 faizi xarici investisiyalı təşkilatlardır.

Hesabat dövründə qeydiyyatdan keçmiş kommersiya təşkilatlarının 82,6 faizi elektron formada qeydiyyatdan keçib.

Ümumilikdə, 2023-cü il iyunun 1-nə Azərbaycanda 1 milyon 452,702 min vergi ödəyicisi qeydiyyata alınıb ki, onların da 87,3 faizi fiziki şəxslər, 12,7 faizi hüquqi şəxslər və digər təşkilatlardır. Vergi ödəyicilərinin ümumi sayı 2022-ci ilin müvafiq dövrü ilə müqayisədə 6,9 faiz, o cümlədən fiziki şəxslər 6,5 faiz, hüquqi şəxslər 9,7 faiz artıb.