Azərbaycanlı tələbələr Uorvik Universitetinin diplomlarını alacaqlar
09.06.2023 13:42
Bu gün ikili diplom proqramı Azərbaycanın altı universitetində həm bakalavriat, həm də magistratura səviyyəsində həyata keçirilir. Bu il ikili diplom proqramı üzrə iki yeni müqavilə imzalanıb. Onlardan biri Uorvik Universiteti (Böyük Britaniya) ilə Azərbaycan Neft və Sənaye Universiteti arasındadır. Bunu Elm və Təhsil Nazirliyinin Aparat rəhbərinin müavini, Ali və orta ixtisas təhsili şöbəsinin müdiri vəzifəsini icra edən Yaqub Piriyev deyib.
Bu müqaviləyə uyğun olaraq hər il 48 tələbə Bərpa Olunan Enerji Mənbələri ixtisası üzrə magistraturaya qəbul olunacaq.
İkinci müqavilə Bakı Dövlət Universiteti ilə Yerusəlim İvrit Universiteti (HUJI) arasında imzalanıb ki, bu da magistraturada təhsil alan tələbələrə aiddir.
Bu layihələr "Azərbaycan Respublikası ali təhsil sisteminin beynəlxalq rəqabətliliyinin artırılması üzrə 2019-2023-cü illər üçün Dövlət Proqramı”na uyğun olaraq həyata keçirilir. Bu günə qədər ikili diplom proqramı sayəsində 1000-dən çox Azərbaycan vətəndaşı ölkəni tərk etmədən dünyanın ən qabaqcıl universitetlərinin diplomlarını alıb.
N.Təbrizli
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
