Bu il regionlar üzrə kredit qoyuluşu 23 % artıb - NAZİR

2023-cü ilin yanvar-martında Azərbaycan regionları üzrə kredit qoyuluşu 4,7 milyard manat olub, bu da ötən ilin eyni dövrü ilə müqayisədə 22,7 % artıb. Bu barədə iqtisadiyyat naziri Mikayıl Cabbarov tviter hesabında yazıb.

 

2022-ci il statistikasına görə, kreditlərin 20%-i dövlət, 78%-i özəl, 2.6%-i qeyri-bank kredit təşkilatlarının payına düşüb.

 

2023-cü il aprel ayının 1-nə banklar tərəfindən Azərbaycan iqtisadiyyatına kredit qoyuluşları 20 mlrd. 38 mln. 596 min manat təşkil edib ki, bunun da 76.56%-i və ya 15 mlrd. 340 mln. 433 min manatı Bakı şəhərinin payına düşüb.

 

Hesabat dövründə ən bahalı kreditlər Mil-Muğan iqtisadi rayonuna (Beyləqan, İmişli, Saatlı, Sabirabad) verilib. Bu regiona banklar tərəfindən kredit qoyuluşu 215 milyon 839 min manat təşkil edib. Verilən ümumi kreditlərin orta faiz dərəcəsi 19.89%, milli valyutada verilən kreditlərin orta faiz dərəcəsi isə 20.03% olub.