Azərbaycanda kreditlərə tələbat artıb - Mərkəzi Bank

"Sorğunun nəticələri göstərir ki, banklar birinci rübdə kredit siyasətini yumşaltmaqda davam ediblər. Eyni zamanda, həm biznes kreditləri, həm də istehlak kreditləri üzrə kredit siyasətinin yumşaldılması tempində azalma tendensiyası müşahidə olunub”, -  Mərkəzi Bank vurğulayıb.

Xüsusilə, yanvar-martda banklar qısamüddətli biznes kreditləri və milli valyutada kreditlər üzrə şərtlərin yumşaldılmasını bir qədər ləngitib, xarici valyutada olan kreditlər üzrə isə onların sərtləşdirilməsi tendensiyası davam edib.

Mərkəzi Bank aydınlaşdırır ki, banklar cari ilin ikinci rübündə biznes kreditləri və istehlak kreditləri üzrə şərtlərin yumşaldılması tendensiyasına sadiqdirlər. Ümumilikdə, sorğuya əsasən, banklar 2023-cü ilin aprel-iyununda bütün növ kreditlərə tələbatın artacağını gözləyirlər.

Yanvar-martda  biznes kreditləri üzrə kicik və orta sahibkarlıq sektoru və iri biznes üçün kreditlərin yumşaldılması müşahidə olunub.

Sorğunun nəticələrinə görə, istehlak kreditləşməsində kredit siyasətinin yumşaldılması ilk növbədə kredit kartları vasitəsilə verilən kreditlər və borcalanın əmək haqqı ilə bağlı kreditlər üzrə baş verib.

Ümumiyyətlə, birinci rübdə istehlak və ipoteka kreditlərinə tələbatda artım müşahidə olunub.

Sorğunun nəticələri göstərib ki, 2023-cü ilin birinci rübündə əhali arasında borcalanların 42%-nin maliyyə vəziyyəti dəyişməyib, 54%-nin yaxşılaşması, 4%-nin isə bir qədər pisləşib.