Azərbaycan Mərkəzi Bankı 2022-ci ildə aktivlərini 17% artırıb

Mərkəzi Bankın 2022-ci il üzrə MHBS üzrə maliyyə hesabatlarına əsasən, bankın aktivlərinin strukturunda 31 dekabr 2022-ci il tarixinə nağd pul vəsaitlərinin həcmi 6 milyard 583,022 milyon manat (azalma 3,7%) təşkil edib.

Borc qiymətli kağızları 22 milyard 19,99 milyon manat (artım 26,8%)  dəyərində qiymətləndirilir.

2023-cü il yanvarın 1-nə Mərkəzi Bankın rezident banklara verdiyi kreditlərin həcmi 288,889 milyon manat (azalma 18,9%), qalan hissəsi isə digər aktiv maddələrinin payına düşür.

2022-ci ilin sonuna AMB-nin öhdəlikləri 29 milyard 881,196 milyon manat (artım 18,4%) təşkil edib.

AMB-nin öhdəliklərinin strukturunda 2022-ci ildə tədavüldə olan əskinas və sikkələrin nominal üzrə həcmi 19,5% artaraq 14 milyard 714,36 milyon manata çatıb.

Bununla yanaşı, Mərkəzi Bankın dövlət orqanları qarşısında öhdəliyi 4 milyard 280,227 milyon manat (artım 6,9%), kredit təşkilatları qarşısında 6 milyard 169,718 milyon manat (azalma 17,1%) təşil edir. 

dır

2022-ci ildə AMB-nin nizamnamə kapitalı dəyişməyib  və hazırda  500 milyon manat. Eyni zamanda, bu ilin əvvəlinə AMB-nin kapitalı 980,791 milyon manat (azalma 16,2%) təşkil edib.

2022-ci ildə AMB-nin xalis zərəri 195,246 milyon manat (azalma 3,2%) təşkil edib.