KazTransOil BTC ilə neft ixracını artırıb

Şirkət xatırladıb ki, bu ilin yanvar-martında BTC ilə  "Tengiz" yatağından  ixrac üçün 19,2 min ton neft göndərilib. Beləliklə, aprel-iyunda həcmlər 18 dəfə artıb.

Şirkət ötən ilin eyni dövrü ilə müqayisə aparmayıb.

Qazaxıstan neft ixrac marşrutlarını şaxələndirmək üçün BTC vasitəsilə ixraca başlayıb. Daşıma Azərbaycan Dövlət Neft Şirkəti ilə "KazMunayQaz” arasında bağlanmış müqavilə çərçivəsində həyata keçirilir. Bu müqaviləyə əsasən Tengiz neftinin BTC vasitəsilə ixracı 2023-cü ilin martında başlayıb.

Qazaxıstanla Azərbaycan arasında 2023-cü ildə BTC ilə 1,5 milyon ton neftin nəqlinə dair razılıq əldə olunub, hazırda bu həcmlər "Tengizşevroyl”un (Tengiz və Korolevskoye yataqlarının işlənməsi üzrə operator) rhasil etdiyi neft hesabına həyata keçirilir. .

BTC neft kəmərinin uzunluğu 1768 min km, ötürmə qabiliyyəti ildə 50 milyon tondan artıqdır. 2022-ci ildə BTC neftinin ixracı 225,445 milyon barel (2021-ci illə müqayisədə +12,6%) təşkil edib.

"KazTransOil” SC magistral neft kəmərlərinin milli operatorudur və "KazMunayQaz” NK SC qrupuna daxildir. Bu şirkət uzunluğu 5,4 min km olan şaxələndirilmiş magistral neft kəmərləri şəbəkəsinə malikdir.