Özbəkistan nümayəndə heyəti Şuşada görülən işlərlə tanış olub

Azərbaycan ilə Özbəkistan arasında əməkdaşlıq üzrə birgə hökumətlərarası komissiyanın 12-ci iclasında iştirak etmək üçün Şuşa şəhərinə səfər edən Özbəkistan nümayəndə heyəti Şuşada həyata keçirilən bərpa və yenidənqurma işləri ilə tanış olub.

Bu barədə  İqtisadiyyat Nazirliyi xəbər verir.

Azərbaycanın iqtisadiyyat naziri Mikayıl Cabbarovun və Özbəkistanın investisiyalar, sənaye və ticarət naziri Ləziz Kudratovun da iştirakı ilə keçirilən tanışlıq zamanı Şuşanın tarixi, dağıdılmış abidələrin bərpası istiqamətində həyata keçirilən tədbirlər, şəhərin yenidən qurulması məqsədilə görülən işlər haqqında ətraflı məlumat verilib.