Transxəzər kəmərinin tikintisi real görünmür - Əliyev

Transxəzər qaz kəmərinin tikintisi layihəsinin indiki şəraitdə, yəni maliyyə mənbələri aydınlaşana qədər reallaşdırılması qeyri-realdır. Bunu Azərbaycan prezidenti İlham Əliyev bildirib. 

"Boru kəməri sistemlərimizin genişləndirilməsi öz resurslarımızın artması ilə bağlıdır. Xəzərin şərq hissəsindən əlavə qaz həcmləri əldə etmək üçün bu, şübhəsiz ki, Transxəzər sualtı qaz kəmərinin tikintisini tələb edir. İkincisi, Bakıdan Avropa istiqamətində Cənub Qaz Dəhlizinə bənzər infrastruktur yaratmaq lazımdır”, - Əliyev cümə günü Şuşada bildirib.

Dövlət başçısı qeyd edib ki, "bu layihəni kim maliyyələşdirəcək?” sualı yaranır.

"Hələlik bu sualın cavabı yoxdur. Ona görə də bu suala cavab tapılmayana qədər, hesab edirəm ki, bu layihənin həyata keçirilməsi o qədər də real görünmür”, -  Əliyev bildirib.

Prezident onu da vurğulayıb ki, hazırda Avropa bankları təbii resursların hasilatını nəzərdə tutan  layihələrii maliyyələşdirmir və bu layihə üçün vəsait toplamaq çox çətin olacaq.

"CGD layihəsi həyata keçirilən zaman biz Avropa İnkişaf Bankı, Avropa İnvestisiya Bankı, Asiya İnkişaf Bankı və s.-dən vəsait cəlb edirdik. Amma hazırda iki Avropa qurumu belə layihələri deyil , yaşıl enerji layihələrini maliyyələşdirir”, - Əliyev deyib.

Dövlət başçısı Avropada qazın qiymətinin formalaşmasına da toxunub.

"Avropada qaz qiymətlərində də dəyişikliklər müşahidə edirik. Bundan başqa, qazın qiymətinə qoyulan tavan da qəbuledilməzdir. İstehlakçılar Avropa ölkələrinin illərdir bazar prinsiplərinin tərəfdarı olmasına baxmayaraq, bazar iqtisadiyyatı prinsiplərinə zidd olan qiymətlərə həddi müəyyən edirlər. Beləliklə, günümüzün reallıqlarında bu, çox ciddi problemdir. Əgər kimsə Transxəzər layihəsini həyata keçirmək istəsə, biz buna sevinəcəyik. Bizə əlavə tranzit rüsumları ödəniləcək və əməkdaşlıq üçün əlavə imkanlar yaradılacaq”, -  Əliyev yekunlaşdırıb.