TotalEnergies ilə bərpa olunan enerji sahəsində əməkdaşlıq imkanları müzakirə edilir
04.08.2023 16:00
Azərbaycanın iqtisadiyyat naziri Mikayıl Cabbarov, SOCAR prezidenti Rövşən Nəcəf və TotalEnergies şirkətinin kəşfiyyat və hasilat üzrə prezidenti Nikolas Terraz gələcək əməkdaşlıq məsələlərini müzakirə ediblər.
"Biz "TotalEnergies” şirkəti ilə Azərbaycan arasında uğurlu tərəfdaşlığı, enerji sektorunda həyata keçirilən layihələri və bərpa olunan enerji istehsalı sahəsində əməkdaşlıq imkanlarını müzakirə etdik”, - Cabbarov sosial şəbəkədəki səhifəsində yazıb.
TotalEnergies hazırda Xəzər dənizinin Azərbaycan sektorunda Abşeron qaz yatağının işlənməsi layihəsinin iştirakçısıdır və layihədə 35% paya malikdir.
Bundan əlavə, 2023-cü ilin iyununda Azərbaycanın Energetika Nazirliyi "TotalEnergies” şirkəti ilə 250 MVt gücündə Günəş Elektrik Stansiyasının (GES), 2023-cü ilin iyununda külək elektrik stansiyasının (QES) tikintisi layihəsinin qiymətləndirilməsində əməkdaşlığa dair memorandum imzalayıb.
Memorandum, həmçinin enerji səmərəliliyi layihələrinin qiymətləndirilməsi sahəsində tərəflər arasında əməkdaşlığı nəzərdə tutur. Bu layihələrin Naxçıvanda və Şərqi Zəngəzurda həyata keçirilməsi planlaşdırılır.
N.Təbrizli
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
