Avropa anbarlarında qaz ehtiyatları 90%-lik hədəfə çatdırıb

Avqustun 16-a ehtiyatlar 0,25 bənd artaraq 90,12%-ə çatıb.

Ehtiyatların maksimum səviyyəsi İspaniyada (99,98%), minimum isə Latviyada (77,33%) qeydə alınıb.

Avropanın ən böyük qaz bazarı olan Almaniyada ehtiyatlar 91,79% təşkil edib.

UGS qurğularının vaxtından əvvəl doldurulması Avropa ölkələri  tərəfindən enerji siyasətinin düzgün kursunun növbəti təsdiqi kimi dəyərləndirilir və qaz qiymətlərinə əlavə təzyiq göstərə bilər.

Bu arada, qaz tədarükü  daha 2-3 ay davam edə bilər və ehtiyatlar nəzəri cəhətdən 100%-ə yaxınlaşacaq.

 

Avropanın qaz təchizatçıları arasında Azərbaycan da var. Hazırda Azərbaycan Transadriatok qaz kəməri (TAP) vasitəsilə Avropaya qaz ixrac edir. 

 

Aərbaycan Energetika Nazirliyinin məlumatına görə, 2023-cü ilin yanvar-iyulunda Azərbaycanda 28,1 milyard kubmetr təbii qaz hasil edilib. Qazın 7,5 milyard kubmetri "Azəri-Çıraq-Günəşli” yataqlarından, 15,4 milyard kubmetri "Şahdəniz”dən, 0,1 milyard kubmetri "Abşeron”dan hasil olunub. SOCAR qaz hasilatı isə  5,1 milyard kubmetri təşkiledib.

 

Ötən ilin uyğun dövrünə nisbətən qaz hasilatında 3,3 faiz, yəni 0,9 milyard kubmetr artım qeydə alınıb.

Hesabat dövründə xaricə qaz satışı 13,8 milyard kubmetr təşkil edib ki, bu da ötən ilin müvafiq dövrü ilə müqayisədə 7 faiz çoxdur. Cari ilin yanvar-iyulunda Avropaya 6,6 milyard kubmetr, Türkiyəyə 5,8 milyard kubmetr, Gürcüstana isə 1,4 milyard kubmetr qaz satılıb. Bu müddətdə Türkiyəyə TANAP-la 3,3 milyard kubmetr qaz nəql olunub.

"Azəri-Çıraq-Günəşli” və "Şahdəniz” yataqları istismara veriləndən 1 avqust 2023-cü il tarixinədək AÇG-dən 211 milyard kubmetr, "Şahdəniz”dən isə 198 milyard kubmetr qaz hasil edilib. Bu dövrdə "Şahdəniz” yatağından hasil edilən qazın 139,9 milyard kubmetrə yaxını ixraca nəql edilib.