Azərbaycanın bank sektorunun aktivləri artıb

Bankların aktivlərinin 20 117,3 milyon manatını müştərilərə verilmiş xalis kreditlər təşkil edib. Son 1 ildə sektorun kredit portfeli 17,6 % böyüyüb, kreditlərin aktivlərdəki payı isə 40,8 %-dən 44,8 %-ə qalxıb.

Hesabat dövründə bank sektorunun öhdəlikləri 7,1 % artaraq 39 041,2 milyon manata, o cümlədən depozit portfeli 7,6 % artaraq 31 841,1 milyon manata çatıb. Bunun 12 429,3 milyon manatı fiziki, 19 411,8 milyon manatı isə hüquqi şəxslərin depozitləridir. İl ərzində əhalinin banklardakı vəsaitləri 17,2 % çox, şirkətlərin banklardakı vəsaitləri isə 2,2 % artıb.

Son 1 ildə bankların Azərbaycan Mərkəzi Bankı qarşısında öhdəliyi isə 2,6 dəfə azalaraq 107,7 milyon manat olub.

Tənzimləyicinin məlumatına görə, 2022-ci ildə bankların ümumi xalis mənfəəti 914,47 milyon manat təşkil edib (2021-ci illə müqayisədə 50,2% artım).

 

31 dekabr 2022-ci il tarixinə Azərbaycanda 25 bank, o cümlədən 11 xarici kapitallı bank fəaliyyət göstərmək üçün lisenziyaya malikdir.

Ümumilikdə bankların 487 filialı (2021-ci ilin sonuna nisbətən 1,7% artım) və 91 şöbəsi (2021-ci ilin sonunda 97) var.

Azərbaycanın bank sektorunda 22 777 nəfər çalışır (2021-ci ilin sonuna olan göstərici ilə müqayisədə 12% artım).