Azərbaycan Rusiyaya tikinti materialları tədarük etməyi planlaşdırır
08.09.2023 13:03
Azərbaycan Rusiyaya tikinti materialları tədarük etməyi planlaşdırır. Bu barədə Banker. az məlumat yayıb.
"Rusiya tərəfi Azərbaycandan tikinti materiallarının tədarükünə maraq göstərib. Bununla əlaqədar iki ölkənin müvafiq dövlət qurumları bu məsələ üzərində işləyir”, – mənbə bildirib.
Məlumata görə, Rusiya şirkətləri Azərbaycana maşınqayırma, helikopterqayırma, əczaçılıq, neft-qaz maşınqayırma məhsullarının tədarükünü artırmaq istəyir.
2023-cü ilin yanvar-iyulunda Azərbaycanda 592,9 milyon manatlıq (cari məzənnə ilə 348,7 milyon ABŞ dolları dəyərində ) tikinti materialları istehsal olunub ki, bu da 2022-ci ilin eyni aylarının göstəricisindən 24,1% çoxdur. Bu barədə Dövlət Statistika Komitəsindən bildirilib.
2022-ci ildə Azərbaycanda 1 milyard 85,7 milyon manatlıq (indiki məzənnə ilə 638,8 milyon ABŞ dolları) tikinti materialları istehsal edilib ki, bu da 2021-ci illə müqayisədə 12,6% çoxdur.
Aytac Zeynalova
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
