Səkkiz ayda nə qədər turist gəlib?- RƏSMİ

 

2023-cu ilin yanvar-avqustunda Azərbaycana 1 milyon 344 mindən çox turist səfər edib. Bunu Dövlət Turizm Agentliyinin sədri Fuad Nağıyev bildirib.

"Hədəflərimiz arasında ötən illərlə müqayisədə növbəti 4 ildə yerli turistlərin sayını 6 milyon nəfərə, turizmdən gələn gəlirləri isə 10 milyard manata çatdırmaqdır"- Fuad Nağıyev "Azərbaycan Turizm Agentlikləri Assosiasiyasının illik fəaliyyətinin yekunlarına dair mətbuat" konfransda deyib.

Məlumata görə, ölkə vətəndaşlarının 44,3 %-i Türkiyəyə, 21,3 %-i Rusiyaya, 9,1 %-i Gürcüstana, 7,4 %-i İrana, 17,9 %-i digər ölkələrə səfər edib. Gedənlərin 65,1 %-ni kişilər, 34,9 %-ni qadınlar təşkil edib.

Son 1 ildə Rusiyaya gedən Azərbaycan vətəndaşlarının sayı 1,5 dəfə, Gürcüstana gedənlərin sayı 33,6 %, Türkiyəyə gedənlərin sayı 13,7 % artıb, İrana gedənlərin sayı 20 % azalıb.

 

Ötən ilin yanvar-avqustunda ilə müqayisədə MDB ölkələrindən gələnlərin sayı 1,6 dəfə artaraq 549,4 min nəfər, Avropa İttifaqına üzv ölkələrdən gələnlərin sayı 37,8 % artaraq 67,6 min nəfər, körfəz ölkələrindən gələnlərin sayı 10,2 % azalaraq 228,4 min nəfər olub.