Rəqabət Məcəlləsi mütləq qəbul olunmalıdır - Vahid Əhmədov

 

"Bu qanunun Milli Məclisə daxil olmasını müsbət qiymətləndirirəm. 16 il bundan qabaq qəbul olunması üçün işlər getdi və III oxunuşda qəbul edə bilmədik. Çünki qəbul etməyə icazə vermədilər. Düşünürəm ki, bu məcəllənin qəbul edilməsi çox vacibdir. Azərbaycanda monopolistlər var. Bu da daxili bazara təziq edir və nəticədə bu özünü qiymətlərdə göstərir. Məcəllənin vacibliyini hər kəs başa düşməlidir. Bu səviyyədə qəbul edilsə də dəyişikliyi hiss edəcəyik. Əsas qanun qəbul edildikdən sonra onun hansı formada işləməsidir. Bu orqan necə fəaliyyət göstərəcək. Rəqabət orqanın prinsipi çox önəmlidir", - Əhmədov  çərşənbə axşamı Milli Məclisin İqtisadi siyasət, sənaye və sahibkarlıq komitəsində Rəqabət Məcəlləsinin layihəsi ilə bağlı ictimai dinləməsində çıxışı zamanı bildirib. 
 
Rəqabət Məcəlləsi üzərində 2004-cü ildən işlər aparılır. Yeni layihə 12 fəsil, 83 maddədən ibarətdir.
 
Hazırda sahibkarlıq sahəsində rəqabət mühiti 1995-ci il tarixli "Haqsız Rəqabət haqqında" və 1993-cü ildə qəbul olunan "Antiinhisar fəaliyyəti haqqında" qanunlarla tənzimlənir.

 
Gülnar Nazimqızı