Azərbaycanda dəniz ilə daşınan yüklərin həcmi açıqlanıb
13.10.2023 13:19
2023-cü ilin doqquz ayında Azərbaycanda dəniz nəqliyyatında daşınmış yüklərin həcmi 6 953,5 min ton təşkil edib, bu da əvvəlki ilin müvaffiq dövrü ilə müqayisədə 22,8% artıb. Bu barədə Dövlət Statistika Komitəsi məlumat yayıb.
Bildirilir ki, hesabat dövründə daşınan yüklərin 56,4%-i neft yükləri təşkil edib.
Məlumata görə, hesabat dövründə dəniz limanları tərəfindən 10 021,8 min ton həcmində yükləmə-boşaltma işləri həyata keçirilmiş və yüklərin 8 277,1 min tonunu və ya 82,6 faizini tranzit yüklər təşkil edib. 2023-cü il oktyabr ayının 1-i vəziyyətinə limanlarda qalan yüklərin həcmi 342 min ton olub.
"Dövr ərzində bu nəqliyyat növü ilə daşınmış sərnişinlərin sayı 2022-ci ilin müvafiq dövrünə nisbətən 13,3% artaraq 17,9 min nəfər olub”, - məlumatda qeyd olunur.
Azərbaycanda dəniz nəqliyyatı ilə 2023-cü ilin yanvar-mayında daşınmış yüklərin həcmi 3 575,8 min ton təşkil edib və əvvəlki ilin müvafiq dövrünə nisbətən 25,3% çoxdur.
Aytac Zeynalova
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
