Əhalinin banklardakı əmanətləri 17,5% artıb

Ümumdünya Əmanət Günü və ya Ümumdünya Qənaət Gününü təsis etməkdə məqsəd bütün dünyada insanları öz pullarını döşəklərinin altında deyil bankda saxlamaq ideyası haqqında məlumatlandırmaq olub. 
 
Bu tarix Azərbaycanda ilk dəfə Azərbaycan Respublikası Mərkəzi Bankının təşəbbüsü ilə 2012-ci ildə qeyd edilib. 

Dövlət Statistika Komitəsinin bldirdiyinə görə, əmanətlərin 63,6 faizi milli, 36,4 faizi xarici valyutada qoyulub. Ötən illə müqayisədə milli valyutada qoyulmuş əmanətlər 24,2 faiz, xairici valyutada qoyulmuş əmanətlərin məbləği isə 7,3 faiz artıb.
 
Bankçılıq üzrə ekspert, hüquqşünas Əkrəm Həsənov qeyd edir ki, əhalinin banklardaki əmanətlərinin artması əsasən milli valyutanın sabit qalması ilə əlaqədır.
 
"Banka qoyulan əmanətlərin məbləğinin artmasının əsas səbəbi milli valyutanın sabit olması ilə əlaqədardır. Hamı başa düşür ki, devalvasiya təhlükəsi yoxdur, milli valyutamız sabitdir. Buna görə də xüsusilə milli valyutayla bağlı əmanətlər daha çox qoyulur. Eyni zamanda faizlər çoxdur – 10-12% təşkil edir. Banklara yalnız Azərbaycanda yaşayanlar deyil, eyni zamanda Rusiyadan və digər ölkələrdən gələn azərbaycanlılar əmanətlərini burada banka qoyurlar”, - Həsənov deyib.
 
Ekspert bildirir ki, hər bir kəsin 100 min manata qədər əmanəti qoruna, sığortalı əmanətdir.
 
"Əmanətlərin sığortalanma Fondu bank bağlanandan sonra 1 ay ərzində əmanətləri kompensasiya edir, qaytarır. İyula qədər bu müddət 3 ay idi, indi isə 1 aydır. Bu da vətəndaşların banklara olan əminlik hissini artırır”, - o vurğulayıb.
 
Aygün Mirakif



www.anews.az