BP-nin Azərbaycan-Gürcüstan-Türkiyə regionu üzrə xərcləri açıqlanıb

Hesabata əsasən, BP yerli tərəfdaşı olan birgə müəssisələr (14 müəssisə üzrə) çərçivəsində 535,9 milyon dollar xərcləyib.

Bildirilir ki, şirkət hesabat dövründə xarici podratçıların ölkə daxilində 94 şirkət üzrə 271,3 milyon dollar xərcləyib. Bundan başqa, hesabat dövründə BP-nin 216 kiçik və orta müəssisə üzrə xərcləri 276,8 milyon dollar, 24 dövlət şirkəti üzrə xərcləri isə 35,1 milyon dollar olub.

 

Xəzər dənizinin Azərbaycan sektorunda yerləşən və 1999-cu ildə kəşf olunan "Şahdəniz” yatağı BP şirkəti tərəfindən bu vaxtadək aşkar edilmiş ən böyük qaz yatağıdır. Bu nəhəng yataq təxminən 860 kvadrat kilometr sahəni əhatə edir və təxminən 1 trilyon kubmetr qaz və 2 milyard barel kondensat ehtiyatına malikdir.

"Şahdəniz” yatağının işlənməsinin ilk mərhələsi 2006-cı ildə başlayıb. Birinci mərhələ çərçivəsində ildə hasil olunan 10 milyard kubmetrdən artıq qaz Azərbaycan, Gürcüstan və Türkiyəyə çatdırılır. "Şahdəniz”in ikinci mərhələsi 2018-ci ildən hasilata başlayıb və sabit ən yüksək hasilat zamanı ildə 16 milyard kubmetr qaz əlavə etməklə yatağın ümumi qaz hasilatını ildə 26 milyard kubmetrə çatdıracaq.

2022-ci ildə AÇG-də orta gündəlik neft hasilatı 415,4 min barel (2021-ci ildə 458 min barel) təşkil edib. Eyni zamanda, qeyd olunan dövrdə "Çıraq” platformasından orta hesabla 25,2 min barel (2021-ci ildə 27 min barel), "Mərkəzi Azəri”dən 104,1 min barel (109 min barel), "Qərbi Azəri" - 106,4 min barel (116 min barel), "Şərqi Azəri" - 64 min barel (76 min barel), "Dərinsulu Günəşli" - 76,3 min barel/gün. d (86 min b/gün), "Qərbi Çıraq" - 39,4 min b/gün (44 min b/gün)  neft hasil edilib.