HP "Büdcə sistemi haqqında” qanuna dəyişikliklərlə bağlı təklif verib

Hesablama Palatası məqsədli büdcə fondlarının qalığı, neft sektoru üzrə dividendlər, 2-li uçotla bağlı məsələlərə dair mövcud tənzimləmədə dəyişikliklərin aparılmasının zəruri olduğunu bildirir. "Büdcə sistemi haqqında” Qanuna dəyişikliklərlə bağlı tövsiyələr Rəyə daxil edilib.

Bu barədə Hesablama Palatasının "Azərbaycan Respublikasının 2024-cü il dövlət büdcəsi haqqında” Azərbaycan Respublikasının Qanun layihəsinə Rəyində bildirilib.

Rəydə bildirilir ki, Büdcə zərfində yer alan izahata görə 2019-cu ildə sosial xərclərin dövlət büdcəsində payı 7761 milyon manat təşkil etmişdir. Bu göstəricinin gələn il 15772.9 milyon manata bərabər olması proqnozlaşdırılır. Deməli büdcədə sosial xərclərin payı 2019-cu ildəki 31.7%-dən, qarşıdakı ildə 43%-dək yüksələcəkdir. Deməli sosial xərclərin həcmi istər artım tempi, istərsə də həcm baxımından ÜDM və dövlət büdcəsi xərcləri ilə müqayisədə daha sürətlə artır.