Deputat peşə ixtisaslarına diqqətin artırılmasını təklif edib

Azərbaycanda peşə ixtisaslarına diqqət artırılmalıdır. Bunu deputat Elşən Musayev deyib. 

"Vakant yerlər üzrə ixtisaslar düz gəlmir. Ölkədə bu qədər hüquqşünas və diplomat olmamalıdır. Peşə ixtisaslarına diqqət ayrılmalıdır. Həmçinin xaricdə təhsilə diqqət də artırılmalıdır. Nəzərə alsaq ki, ölkənin məmur elitası bu təhsildən yararlanıb. Bunun yaxşı nəticələri var”, - deputat noyabrın 13-də Milli Məclisin plenar iclasında büdcə müzakirəsi zamanı deyib.

Deputat baş nazirə müraciət edərək bildirib ki, Natiq Qasımovun adının əbədiləşdirilməlidir.  

Noyabrın 3-də Milli Məclisdə  Hüquq siyasəti və dövlət quruculuğu, İnsan huquqları, Müdafiə, təhlükəsizlik və korupsiya ilə mübarizə, Beynəlxalq münasibətlər komitəsinin birgə iclasında deputat Qüdrət Həsənquliyev bilirib ki, ölkədə hüquqşünas çatızmazlığı var. Deputat təklif edib ki, Xankəndində hüquq universiteti açılsın. 


www.anews.az