Azərbaycanda əhalinin bank əmanətləri azalıb

Eyni zamanda, oktyabrda əhalinin əmanətləri 141,4 milyon manat azalıb (azalma "Muğanbank"ın lisenziyasının ləğvi ilə əlaqədardır).

Mərkəzi Bankın məlumatına görə, 2023-cü ilin yanvar-oktyabrında əhalinin milli valyutada əmanətlərinin həcmi 14% artaraq 8 milyard 141,68 milyon manat və ya bütün əmanətlərin 64,8 faizini təşkil edib. Bununla yanaşı, əhalinin milli valyutada depozitləri oktyabrda 109,8 milyon manat azalıb.

Əhalinin xarici valyutada olan bank əmanətləri 3,9% azalaraq 4 milyard 422,39 milyon manat və ya əhalinin bütün əmanətlərinin 35,2 faizini təşkil edib (2022-ci ilin sonuna xarici valyutada əmanətlərin xüsusi çəkisi 39,2 faiz olub). Oktyabrda xarici valyutada depozitlər 31,5 milyon manat azalıb.

Yanvar-oktyabrda rezidentlərin bank depozitlərinin həcmi 11 milyard 247,08 milyon manat (artım 6,4%), qeyri-rezidentlərin bank depozitlərinin həcmi 1 milyard 316,99 milyon manat (artım 12,2%) təşkil edib.

Ümumilikdə, 31 oktyabr 2023-cü il tarixinə Azərbaycanda banklardakı əmanətlərin həcmi 34 milyard 991,25 milyon manat qiymətləndirilir ki, bu da 2022-ci ilin sonuna olan göstəricidən 3,5% azdır.

 

​