Azərbaycan karbonsuzlaşdırmaya $44 mlrd investisiya qoymalıdır

"Hesabatda qeyd olunan dekarbonizasiya və davamlı inkişaf tədbirləri əhəmiyyətli investisiya tələb edəcək - qlobal iqtisadiyyatın xalis sıfır emissiyaya çatacağı gözlənilən 2060-cı ilə qədər təxminən 44 milyard dollar və ya ÜDM-in təxminən 3,2%-i. Bu xərclərin əhəmiyyətli hissəsi kommersiya və özəl sektorların maliyyələşdirilməsi hesabına təmin edilməlidir”, - DB-nin hesabatında qeyd olunur.

DB-nin Cənubi Qafqaz üzrə regional direktoru Rolanda Prays bildirib ki, qlobal dekarbonizasiyanın sürətindən asılı olmayaraq, dekarbonizasiyaya investisiyaların sürətləndirilməsi Azərbaycanın maraqlarına uyğundur. "Bu səylər həm də iqtisadiyyatın şaxələndirilməsi üzrə milli məqsədlərə uyğundur", - DB nümayəndəsi hesab edir.

O, əlavə edib ki, hesabat "məqsədlərin müəyyən edilməsindən Azərbaycan iqtisadiyyatını və ölkə əhalisini iqlim dəyişikliyinin mənfi nəticələrindən qoruya biləcək tədbirlərin həyata keçirilməsinə keçmək üçün praktiki yol” təqdim edir.

Tədqiqatın müəllifləri hesab edirlər ki, dayanıqlı aşağı karbonlu iqtisadiyyata keçid Azərbaycanın iqtisadi maraqlarına uyğundur.

Hesabatda deyilir ki, iqlim dəyişikliyinə uyğunlaşma üzrə sürətli tədbirlər Azərbaycana qlobal olaraq aşağı karbonlu iqtisadiyyata keçidlə bağlı riskləri minimuma endirməyə və ölkənin həyat səviyyəsini qorumağa kömək edə bilər.

Tədqiqatçılar qeyd edirlər ki, "Azərbaycan iqtisadiyyatı ÜDM-in üçdə birini və ixracın 90%-ni təşkil edən neft-qaz sektorundan çox asılıdır”. Sənəddə deyilir: "Neft tədarükünün azalması ilə hərtərəfli və effektiv dekarbonizasiya səyləri iqtisadiyyatın diversifikasiyasına gətirib çıxaracaq”.

Dünya Bankı qeyd edib ki, Azərbaycan da iqlim dəyişikliyi ilə bağlı ciddi fiziki risklərlə üzləşir. "Demək olar ki, bütün ölkə həm quraqlığa, həm də su qıtlığına məruz qalır. Ekstremal hava şəraiti ilə əlaqədar vəziyyətin daha da pisləşəcəyi gözlənilir. Eyni zamanda, torpağın deqradasiyası, səhralaşma və otarılma nəticəsində ölkənin təbii ehtiyatları tükənir ki, bu da kənd təsərrüfatına mənfi təsir göstərir. Neft və qaz hasilatı torpağın deqradasiyasına və suyun çirklənməsinə də kömək edir”, - tədqiqat müəllifləri hesab edirlər.

Hesabatda qeyd olunub ki, "karbonsuzlaşdirmə üzrə öhdəliklərini gücləndirməsinə baxmayaraq, Azərbaycan hələ də öz milli hədəflərinə nail olmaq yolunda deyil” 2030-cu ilə qədər istixana qazı emissiyalarını 1990-cı ildəki səviyyədən 35%, 2030-cu ilə qədər isə 40% azaltmaq.