Ölkədə vergi ödəyicilərinin sayı artıb
07.12.2023 11:05
2023-cü ilin dekabrın 1-nə Azərbaycanda 1 507 494 vergi ödəyicisi olub ki, bu da ötən il dekabrın 1-nə nisbətən 7,7 % çoxdur. Bu barədə İqtisadiyyat Nazirliyi yanında Dövlət Vergi Xidməti məlumat verib.
Vergi ödəyicilərinin 87,3 %-i fiziki şəxslər, 12,7 %-i hüquqi şəxslər və digər təşkilatlar olub.Son 1 ildə fərdi sahibkarların sayı 7,5 %, şirkətlərin sayı isə 9 % artıb.
2023-cü ilin 10 ayında 13 247 kommersiya qurumu dövlət qeydiyyatından keçib ki, onların da 87,7 %-i yerli, 12,3 %-i isə xarici investisiyalıdır.
Qeydiyyatdan keçmiş kommersiya qurumlarının 84,4 %-i elektron qaydada qeydə alınıb. Yerli investisiyalı MMC-lərin e-qeydiyyatının xüsusi çəkisi 97,2 % təşkil edib. 2023-cü ilin 10 ayında yeni qeydiyyat üsulu (fin kod+mobil nömrə) ilə 1 831 yerli investisiyalı MMC qeydiyyata alınıb.
2023-cü ilin yanvar-oktyabrında fəaliyyəti aktivləşdirilmiş (bərpa edilmiş) hüquqi şəxslərin sayı ötən ilin eyni dövrü ilə müqayisədə 13,1 %, fəaliyyəti aktivləşdirilmiş ƏDV ödəyicilərinin sayı isə 15,1 % artıb.
Noyabrın 1-nə 22 188 xarici investisiyalı kommersiya qurumu dövlət qeydiyyatından keçib. Son 1 ildə onların aktiv xarici investisiyalı kommersiya qurumlarının sayı 12,5 % artıb.
Aytac Zeynalova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
