Sahibkarlığın İnkişafı Fondu 11 ayda bu qədər güzəştli kredit verib

2023-cü ilin 11 ayında İqtisadiyyat Nazirliyinin Sahibkarlığın İnkişafı Fondu 2 840 layihəyə 147,4 milyon manat vəsait ayırıb. Bu ötən illə müqayisədə 497 layihə çoxdur. Bunu fondun sədr müavini Eldar Həmidov Bakıda keçirilən "1-ci Yerli İstehsalat və İstehsal Texnologiyaları Sərgisi"ndə deyib.

"Verilən güzəştli kreditlərin məbləği 28 milyon manat artıb. Bu il verilən kreditlərin 71 %-i regionların payına düşür. Fondun fəaliyyət dövrü ərzində 45 600-dən artıq layihəyə 3 milyard manata yaxın güzəştli kredit ayrılıb və 182 000 iş yerlərinin açılması nzərdə tutulub",- sədr müavini əlavə edib.

 

2003-2022-ci illərdə Sahibkarlığın İnkişafı Fondu tərəfindən 43 minədək investisiya layihəsinin maliyyələşməsinə 2,8 milyard manatdan çox güzəştli kredit verilib. Bunu Azərbaycanın iqtisadiyyat naziri Mikayıl Cabbarov oktyabrın 14-də Bakıda "Vətənə, xalqa və dövlətçiliyə misilsiz xidmətin 20 ili” mövzusunda keçirilən konfransda çıxışı zamanı deyib.

Ötən il sənaye zonalarında ümumilikdə 10 milyard manatdan çox məhsul istehsal edilib ki, bunun da 3,4 milyard manatlıq hissəsi ixrac olunub.