Bakı Fond Birjasının dövriyyəsi açıqlanıb

2023-cü ilin yanvar-noyabrında "Bakı Fond Birjası" QSC-də (BFB) bütün maliyyə alətləri üzrə bağlanmış əqdlərin ümumi dəyəri 21 milyard 836,902 milyon manat təşkil edib, bu, ötən ilin eyni dövrü ilə müqayisədə 76,4 % çoxdur. Bu barədə "Bakı Fond Birjası"-ı məlumat yayıb.

 

Son 1 ildə bağlanmış əqdlərin sayı isə 29,4 % artaraq 11 613 olub.

Hesabat dövründə dövlət qiymətli kağızlarının dəyəri 10,7 % artaraq 7 milyard 400,511 milyon manat, korporativ qiymətli kağızlar bazarı üzrə əqdlərin dəyəri isə 4,9 % artaraq 1 milyard 337,650 milyon manat olub.

 

BFB-nin dövriyyəsinin 60 %-i və yaxud 13 milyard 098,741 milyon manatı repo əməliyyatlarının payına düşüb. Bu, illik müqayisədə 3 dəfə çoxdur.

 

Ötən iltən il BFB-də bütün maliyyə alətləri üzrə bağlanmış əqdlərin ümumi dəyəri əvvəlki ilə nisbətən 2,3 % az - 14 milyard 947,985 milyon manat təşkil edib.
 
İl ərzində bağlanmış əqdlərin sayı isə 11,2 % azalaraq 10 501 olub.