Türkiyə və Azərbaycan arasında ticarət dövriyyəsi artıb

 

"Ticarət dövriyyəsinin artım dinamikasına baxdıqda görürük ki, bütün bu göstərilən səylər öz nəticəsini verməkdədir. 2022-ci ildə ticarət dövriyyəmizin 5,8 milyard dolları keçməsi, 2023-cü ilin ilk 10 ayında isə bu göstəricinin 6,7 milyard dolları keçməsi bunu bir daha təsdiq edən statistik faktdır", - Məmmədov bazar ertəsi "Türk İş Adamları Birlikləri ilə Əməkdaşlıq" mövzusunda ictimai dinləmədə çıxışı zamanı bildirib. 

 

Onun sözlərinə görə,  Azərbaycanın Türkiyəyə yönəltdiyi investisiya da xarici dövlətlərə yatırılan investisiyalarla müqa­yisədə birinci yerdədir. Belə ki, 2023

2023-cü ildə Türkiyənin Azərbaycana yatırdığı birbaşa investisiyaların həcmi 15,2 milyard dollar olub.   Bunun da 11,7 milyard dolları neft-qaz sektorunun, 3,5 milyard dolları isə qeyri-neft sektorunun payına düşüb. 

 

Bu günə olan məlumatlara görə,  Azərbaycanda qeydiyyatda olan kommersiya qurumlarının sayı 5670-dən çox olub.  Onların da 4000-dən çoxunun vəziyyəti aktiv fəaliyyət göstərib. 

 

"Azərbaycanın işğaldan azad edilmiş ərazilərinin bərpasında Türkiyə şirkətlərinin rolu da danılmazdır. Müzakirə mövzumuzu əhatə edən sahə üzrə KOBİA-nın fəaliyyətinə gəlincə, biz hər zaman əməkdaşlıq formatının genişləndirilməsinə önəm veririk. Azərbaycan və Türkiyənin KOB subyektləri arasında əməkdaşlığın genişləndirilməsi, şirkətlər arasında təcrübə mübadiləsi, yerli şirkətlərin məhsul və xidmətlərinin tanıdılması ilə satış imkanlarının genişləndirilməsi, mövcud investisiya imkanlarının təqdim edilməsi məqsədilə KOBİA və Türk iş adamları birlikləri və sahibkarları arasında çoxsaylı forum, tədbir və görüşlər keçirilib, habelə qarşılıqlı əməkdaşlıq müqavilələri imzalanıb", - Məmmədov bildirib.  

 

Təxminən 4 mindən çox Türkiyə şirkətinin Azərbaycanda fəaliyyəti aktivdir. Həmçinin Qarabağın quruculuq işlərində də tender vasitəsilə Türkiyə şirkətlərinin keyfiyyət əmsalı nəzərə alınaraq fəaliyyəti təmin edilir.