Equinor Azərbaycanda qalan aktivlərini SOCAR-a satıb
22.12.2023 15:33
SOCAR (Azərbaycan Respublikası Dövlət Neft Şirkəti) Azəri-Çıraq-Günəşli (AÇG) yataqlar blokunun, Qarabağ yatağının və Bakı-Tbilisi-Ceyhan (BTC) neft kəmərinin işlənməsi layihələrində Norveç şirkətinin iştirak payını əldə edib. .
"Cümə günü SOCAR-ın prezidenti Rövşən Nəcəf "Equinor” neft şirkətinin beynəlxalq kəşfiyyat və hasilatı üzrə icraçı vitse-prezidenti Filip Matye ilə görüş keçirib.Görüş zamanı "Azəri-Çıraq-Günəşli” yatağının işlənməsi layihələrində SOCAR-ın "Equinor” şirkətinin səhmlərinin alınmasına dair sənədlər imzalanıb. Şirkət AÇG yataqlar bloku, Qarabağ yatağı, eləcə də BTC layihələrində olan payını sayıb”, - SOCAR-ın mətbuat xidmətindən bildirilib.
Əməliyyatdan əvvəl Equinor-un AÇG layihəsində payı 7,27%, BTC layihəsində 8,71%, Qarabağ layihəsində 50% olub.
Sənədlər imzalanana qədər SOCAR-ın bu layihələrdə payı belə olub: AÇG layihəsində - 25%, BTC layihəsində - 25%, Qarabağ layihəsində - 50%.
"Səhmlərin alınması bütün tənzimləyici tələblərə və müqavilə öhdəliklərinə əməl olunmaqla tamamlanacaq”, - məlumatda deyilir.
Görüş zamanı tərəflər həmçinin SOCAR ilə karbonsizləşdirmə və yaşıl enerji sahələrində əməkdaşlığa dair Anlaşma Memorandumu imzalayıblar.
N.Təbrizli
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
