2024-cü ildə Azərbaycanda neft hasilatı 29,5 milyon ton təşkil edəcək

2023-cü il üçün ölkədə neft hasilatı ilə bağlı faktiki məlumatlar hələ açıqlanmayıb. Bununla belə, Azərbaycan Hesablama Palatasının noyabrda verdiyi məlumata görə, 2023-cü ildə ölkədə neft hasilatının 30,5 milyon tona çatacağı gözlənilir.

Belə ki, 2024-cü ildə neft hasilatı 2023-cü illə müqayisədə 3,3% azala bilər. 

Dövlət Statistika Komitəsinin məlumatına görə, 2023-cü ilin yanvar-noyabrında Azərbaycanda qaz kondensatı ilə neft hasilatı 27 milyon 695,4 min ton təşkil edib ki, bu da 2022-ci illə müqayisədə  7,4% azdır.

2022-ci ildə Azərbaycanda qaz kondensatı ilə neft hasilatı 32 milyon 667,7 min ton (azalma 5,5%), ixrac 26,3 milyon ton (azalma 6,5%) təşkil edib.