Sahibkarlara verilən güzəştli kreditlərin məbləği açıqlanıb

2023-cü ildə Sahibkarlığın İnkişafı Fondu (SİF) tərəfindən verilən güzəştli kreditlər hesabına 3000-dən çox yeni iş yeri açılıb.  Bunu Sahibkarlığın İnkişafı Fondunun İdarə Heyətinin Sədri Osman Xaliyev deyib.

"SİF tərəfindən ümumi dəyəri 459,9 milyon manat olan 3276 investisiya layihəsinin maliyyələşdirilməsinə 193,8 milyon manat güzəştli kredit verilib.
Bu kreditlər hesabına 3000-dən çox yeni iş yerinin açılması imkanı yaranıb. Verilmiş kreditlərin 46,4%-i kənd təsərrüfatı məhsullarının istehsalı, 43%-i sənaye məhsullarının istehsalı və emalı, 5,5-%-i xidmət sahələri, 4,5%-i turizmin inkişafı layihələrinə yönəldilib" , - Xəliyev 2023-cü ilin yekunlarına həsr olunmuş mətbuat konfransında jurnalistlərə açıqlamasında bildirib. 


www.anews.az