Son bir ayda əhalinin bank əmanətləri 423 milyon manat artıb - Mərkəzi Bank

Bununla yanaşı, dekabrda əhalinin əmanətlərinin həcmi 422,9 milyon manat artıb (noyabrda 39,2 milyon manat azalıb).

Mərkəzi Bankın məlumatına görə, 2023-cü ildə əhalinin milli valyutada əmanətlərinin həcmi 21,1% artaraq 8 milyard 646,08 milyon manat və ya bütün əmanətlərin 66,8 faizini təşkil edib. Bununla yanaşı, əhalinin milli valyutada depozitləri dekabrda 410,9 milyon manat artıb.

Əhalinin xarici valyutada olan bank əmanətləri 6,6% azalaraq 4 milyard 301,66 milyon manat və ya əhalinin bütün əmanətlərinin 33,2 faizini təşkil edib (2022-ci ilin sonunda xarici valyutada əmanətlərin xüsusi çəkisi 39,2 faiz olub). Dekabrda xarici valyutada əmanətlər 12 milyon manat artıb.

2023-cü ildə rezidentlərin bank depozitlərinin həcmi 11 milyard 705,42 milyon manat (artım 10,8%), qeyri-rezidentlərin bank depozitlərinin həcmi 1 milyard 242,3 milyon manat (artım 5,8 faiz) təşkil edir.

Ümumilikdə, 31 dekabr 2023-cü il tarixinə Azərbaycanda banklardakı əmanətlərin həcmi 36 milyard 965,1 milyon manat qiymətləndirilir ki, bu da 2022-ci ilin sonuna olan göstəricidən 2% çoxdur.