Əhalinin banklara ipoteka kreditləri üzrə borcu çoxalıb
24.01.2024 18:13
2023-cü ildə Azərbaycan banklarında ipoteka kreditlərinin həcmi 21.6 faiz və yaxud 3 milyard 629 milyon manat yüksəlib. Bu barədə Azərbaycan Mərkəzi Bankının hesabatında bildirilib.
İpoteka və Kredit Zəmanəti Fonduna ötən bir ildə dövlət büdcəsindən 87.7 milyon manat (illik müqayisədə: -8%) ayrılıb, fond özü daxili bazardan isə istiqraz buraxmaqla 450 borc (sabit) cəlb edə bilib.
İKZF banklara 492 milyon manatlıq yenidən maliyyələşmə krediti verdiyi halda, banklar özləri 461.4 milyon manat borc cəlb ediblər ki, ümumilikdə 953.3 manat ipoteka krediti anlamına gəlir.
Mərkəzi Bank üçüncü rübdə ipoteka kreditlərinə, o cümlədən Azərbaycan İpoteka və Kredit Zəmanət Fondunun (AICGF) xətti ilə verilən belə kreditlərə tələbin bir qədər azaldığını qeyd edir. "Bankların hesablamalarına görə, dördüncü rübdə ipoteka kreditləri üzrə standart şərtlər yumşaldılacaq, lakin belə kreditlərə tələbatda ciddi dəyişikliklər gözlənilmir”, – Mərkəzi Bank qeyd edir.
Biznes kreditləşməsi ilə bağlı vəziyyətə gəlincə, banklar arasında aparılan sorğuya əsasən, üçüncü rübdə mikro biznes və kiçik və orta biznes üçün kreditləşmə şərtlərində yumşalma müşahidə olunub. Mərkəzi Bankın məlumatına görə, iyul-sentyabr aylarında kiçik, orta və mikro sahibkarlıq subyektlərinin biznes kreditlərinə tələbatında artım müşahidə olunub. "Banklar dördüncü rübdə iri biznesin kreditlərinə tələbin azalacağını, mikro biznes və KOM-ların kredit resurslarına tələbin artacağını gözləyirlər”, - Mərkəzi Bank vurğulayıb.
Aytac Zeynalova
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
