2023-cü ildə sahibkarlıq sahəsində aparılan yoxlamaların sayı açıqlanıb
25.01.2024 11:42
2023-cü il qeydiyyatı aparılmış 4138 sahibkar arasında yoxlama aparılıb ki, bu da əvvəlki illə müqayisədə 1,1 dəfə çoxdur. Bunu FHN-in Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin rəisi Vüsal Ağayev deyib.
"Müxtəlif müəssisə və təşkilatlardan daxil olan müraciətlər əsasında onlara məxsus ayrı-ayrı qurğu və avadanlıqlara texniki təhlükəsizliklə bağlı 2294 ekspertiza rəyi, qaz layihələrinə dair 518 ekspertiza rəyi hazırlanmış və sifarişçiyə təhvil verilib",- Ağayev yanvarın 25-i 2023-cü ilin yekunlarına dair brifinqdə jurnalistlərə açıqlamasında qeyd edib.
O həmçinin bildirib ki, agentlik tərəfindən hesabat dövründə 3112 təhlükə potensiallı obyektdə (müəssisədə) dövlət nəzarəti həyata keçirilib.
"Təhlükə potensiallı obyektlərdə istismar olunan 9000-ə yaxın qurğu və avadanlıqlara texniki təhlükəsizlik sertifikatı verilib, 1338 hüquqi və fiziki şəxs tərəfindən istismar olunan təhlükə potensiallı qurğu və avadanlıqlar dövlət reyestrində ilkin və təkrar qeydiyyatdan keçirilib", - o əlavə edib.
2020 -ci ildə sahibkarlıq sahəsində 2907, 2021-ci ildə 2539, 2022-ci ildə 3512 yoxlama aparılıb.
Aygün
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
