Ötən il Naxçıvanda istehsal olunan ümumi məhsul istehsalının həcmi açıqlanıb
26.01.2024 12:28
2023-cü ildə Naxçıvanda 1 milyard 552 milyon manat dəyərində ümumi məhsul istehsal olunub. Bunu yerli iqtisadiyyat nazirinin müavini, nazir vəzifəsini müvəqqəti icra edən Abbas İsmayılov bildirib.
"2023-cü ildə qeyri-dövlət sektorunun büdcə gəlirlərində payı 55,7 %, vergi daxilolmalarında payı isə 62,4 % təşkil edib. Sahibkarlığın sürətli inkişafında önəmli amillərdən biri maliyyə əlçatanlığıdır. Ötən il Sahibkarlığın İnkişafı Fondu 40 investisiya layihəsinə 6,2 milyon manat güzəştli kredit verib. Bunun 84,8 %-i sənaye, 11,7 %-i kənd təsərrüfatı, 3,5 %-i isə xidmət sektoruna yönəldilib. 2023-cü ildə muxtar respublikanın iqtisadiyyatında kiçik və orta biznesin (KOB) dominantlığı xeyli yüksəlib, qeydiyyatda olan KOB subyektlərinin sayı 26 % artıb",- Abbas İsmayılov əlavə edib.
2923-cü ildə Naxçıvanda 593,9 milyon manatlıq sənaye məhsulu, 358,4 milyon manatlıq kənd təsərrüfatı məhsulu istehsal olunub, əhaliyə 34,2 milyon manatlıq informasiya və rabitə xidmətləri, 178,2 milyon manatlıq ödənişli xidmətlər göstərilib.
Bu il Naxçıvanda aylıq əməkhaqqı 689 manat təşkil edib.
Aytac Zeynalova
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
